REGISTRES DU BUREAU

[1547]

XCXIX [XLVIII]. — Lettres missives du Roy pour la pompe funèbre du feu roy Françoys

ET JOYEUSE ENTRÉE DU ROY HeNRY.

i3 avril 1547

Le xiii⁸ jour d'Avril mil v^c xlvii, après Pasques, ont esté apportées au Bureau de la Ville de Paris deux lettres missives, desquelles la teneur ensuit :

" A noz très chers el bien aînez, ies Prevost des Marchans, Eschevins, bourgeois, manans et habitans de nostre bonne Ville et cité de Pans.

12 avril 1547. "De par le Roy "Très chers et bien amez, pour ce que nous desirons singulièrement que ès obseques et pompe funèbre du feu Roy, nostre très cher seigneur et pere, que Dieu absoille, soit faict non seullement tel devoir qu'il a esté observé à ses predecesseurs Roys, mais que l'on y face davantage, s'il est possible, à quoy de nostre part nous ne voullons riens espargner, comme aussi nous estimons que vous ne ferez de la vostre. Saichant bien qu'il va du temps à faire en cela ses preparatifz, encores qu'il n'y aict que tarder, nous vous avons bien voullu escripre la presente, vous priant aussi affectueusement que faire povons que incontinant vous ayez à vous assembler, pour adviser, consulter et deliberer des choses requises et neccessaires à la celebracion desd, obseques et pompe funèbre, pour y satisfaire selon nostre desir et l'asseurance que nous avons de vostre bonne volunté et affection en chose si recommandable qu'est ceste cy. Et tout par ung mesme moyen, vous pourrez en ceste assemblée regarder et adviser de bonne heure, pour ce que ce sont actes qui se suyveront de près, ce que vous aurez à faire pour la joyeuse et nouvelle entrée de nous et de nostre très chere et très aymée Compaigne, la Royne, ou nous tenons tant de vous que vous n'oublirez riens pour nous faire congnoistre par effect la devocion que vous nous portez, comme noz très bons et très affectionnez subgetz et serviteurs, actendu mesmes que vous devez donner l'exemple à tous les autres; qui est tout ce que nous vous dirons en cest endroict, sinon

. (Fol. 54.)

que vous croirez nostre amé et feal notaire et secretaire, le seigneur de Bobigny, vostre Greffier, de ce qu'il vous dira là dessus de nostre part, comme nous mesmes. Donné à Sainct Germain en Laye, le xn^ejour d'Avril, mil v° xlvii, après Pasques."

Signé: "HENRY.

Clausse, n

Lettres de mons^1, le Connestable. «A mess" les Prevost des Marchans et Eschevins de la Ville de Paris, -n

12 avril 1547.

"Mess", j'ay veu ce que m'avez escript et entendu ce qu'avez envoyé par le Greffier de la Ville, present porteur, pour le faict tant des obsèques et funerailles que des entrées en lad. Ville des feuz Roys etRoynes, que Dieu absoille, sur quoy vous pourrez regler. Toutesfoys, vous prie faire encores chercher s'il s'en pourra trouver quelque chose davantage, afin de vous efforcer de faire de myeulx en myeulx ce qu'il sera possible, tant pour les obseques et funerailles qui sont presentement à faire, que pour les joyeuses entrées du Roy et de la Royne, à ce qu'ilz congnois-sent de plus en plus la bonne et affectionnée volunté que vous avez de leur faire service. Et afin que vous entendiez de bonne heure à ce qui sera neccessaire preparer pour cela, led. seigneur vous en escript par ce porteur, qui me gardera de vous faire plus longue lettre, estant asseuré que meclrez peyne en suyvant son intencion, au plus près que possible vous sera, qui luy sera plaisir très agreable. Vous asseurant que en toutes choses ou je vous en pour-ray faire, que m'y emploiray tousjours d'aussi bon cueur que amy que vous ayez. Priant nostre Seigneur qu'il vous doint, mess™, ce que desirez. De Sainct Germain, le xu^e jour d'Avril mil v° xlvii,

après Pasques.

"Vostre bon voisin et amy

Montmorency, n

C [XLIX]. — Pour la pompe funèbre du feu roy François.

19 et 21 avril 1547. (Fol. 54 v°.)

Du mardi xix^eetjeudi xxi^cjours d'Avril mil v° xlvii , après Pasques.

En assemblée, le jourd'huy faicte, en l'Ostel de la Ville de Paris, de mess" les Conseillers d'icelle,